జూన్ నెల టీటీడీ కోటా విడుద‌ల
శ్రీ‌వారి ద‌ర్శ‌నం..ఆర్జిత సేవా..సేవా టికెట్లు
తిరుమ‌ల – శ్రీ‌వారి భ‌క్తుల సౌక‌ర్యార్థం జూన్ నెల‌కు సంబంధించి ఆన్ లైన్‌లో శ్రీ‌వారి ద‌ర్శ‌నం, ఆర్జిత , సేవా కోటాకు సంబంధించి టికెట్లు విడుద‌ల చేయ‌నున్న‌ట్లు ప్ర‌క‌టించింది టీటీడీ. ఈ మేర‌కు కీల‌క వివ‌రాలు వెల్ల‌డించింది.
మార్చి 18వ తేదీ ఉదయం 10 నుండి 20వ తేదీ ఉదయం 10 గంట‌ల వరకు శ్రీ‌వారి ఆర్జిత సేవా టికెట్ల‌కు సంబంధించి ల‌క్కీ డిప్ కోసం న‌మోదు చేసుకోవ‌చ్చని తెలిపింది. మార్చి 22వ తేదీ మధ్యాహ్నం 12 గంటలలోపు సొమ్ము చెల్లించి టికెట్లు ఖరారు చేసుకోవాల్సి ఉంటుందని సూచించింది.
మార్చి 21వ తేదీ ఉదయం 10 గంటలకు శ్రీ‌వారి ఆర్జిత‌సేవ‌లైన క‌ల్యాణోత్స‌వం, ఊంజ‌ల్‌సేవ, ఆర్జిత బ్ర‌హ్మోత్స‌వం, స‌హ‌స్ర‌దీపాలంకార సేవా టికెట్ల కోటాను విడుద‌ల చేయ‌నున్న‌ట్లు టీటీడీ తెలిపింది.
- జూన్ 19 నుండి 21వ తేదీ వరకు జరుగనున్న జ్యేష్టాభిషేకం ఉత్సవంలో పాల్గొనేందుకు మార్చి 21న ఉదయం 10 గంటలకు భ‌క్తుల‌కు అందుబాటులో ఉంచుతామ‌ని పేర్కొంది. మార్చి 21న మధ్యాహ్నం 3 గంటలకు శ్రీ‌వారి వ‌ర్చువ‌ల్ సేవ‌లైన క‌ల్యాణోత్స‌వం, ఊంజ‌ల్‌సేవ, ఆర్జిత బ్ర‌హ్మోత్స‌వం, స‌హ‌స్ర‌దీపాలంకార సేవా టికెట్లు, ద‌ర్శ‌న టికెట్ల కోటాను విడుద‌ల చేయ‌నున్న‌ట్లు తెలిపింది.
మార్చి 23న ఉదయం 10 గంటలకు అంగ ప్ర‌ద‌క్షిణం టోకెన్లు అందుబాటులో ఉంటాయ‌ని పేర్కొంది టీటీడీ. 11 గంటలకు శ్రీ‌వాణి ట్ర‌స్టు దాత‌ల ద‌ర్శ‌నం, గ‌దుల కోటాను , మధ్యాహ్నం 3 గంటలకు వృద్ధులు, దివ్యాంగుల ద‌ర్శ‌న టికెట్ల కోటాను విడుద‌ల చేస్తామ‌ని తెలిపింది.
మార్చి 25న ఉదయం 10 గంటలకు రూ.300/- ప్ర‌త్యేక ప్ర‌వేశ ద‌ర్శ‌న ట‌కెట్ల‌ను భ‌క్తుల‌కు అందుబాటులో ఉంచుతామ‌ని, మధ్యాహ్నం 3 గంటలకు తిరుమ‌ల, తిరుప‌తిలోని గ‌దుల కోటాను విడుద‌ల చేయ‌నున్న‌ట్లు పేర్కొంది.
మార్చి 27న ఉదయం 11 గంటలకు తిరుమ‌ల, తిరుప‌తిలోని శ్రీ‌వారి సేవ కోటాను, అదే రోజు మధ్యాహ్నం 12 గంటలకు న‌వ‌నీత సేవ కోటాను, మధ్యాహ్నం 1 గంటలకు ప‌ర‌కామ‌ణి సేవ కోటాను ఆన్‌లైన్‌లో అందుబాటులో ఉంచుతున్న‌ట్లు స్ప‌ష్టం చేసింది టీటీడీ.
ఇదిలా ఉండ‌గా https://ttdevasthanams.ap.gov.in వెబ్‌సైట్ ద్వారా శ్రీ‌వారి ఆర్జిత‌సేవ‌లు, ద‌ర్శ‌న టికెట్లు బుక్ చేసుకోవాల‌ని సూచించింది.
