జ్ఞాన‌వాపి కేసులో సంచ‌ల‌న తీర్పు
మ‌సీదు ప్రాంగ‌ణంలో పూజ‌లు
ఉత్త‌ర ప్ర‌దేశ్ – యూపీలోని వార‌ణాసి జ్ఞాన్ వాపి కేసుకు సంబంధించి సంచ‌ల‌న తీర్పు వెలువ‌రించింది కోర్టు. మ‌సీదు ప్రాంగ‌ణంలో దేవ‌తా మూర్తుల‌కు పూజ‌లు చేసుకునేందుకు అనుమ‌తి ఇచ్చింది. దీంతో భార‌తీయ జ‌న‌తా పార్టీ, దాని అనుబంధ సంస్థ‌ల్లో ఆనందం వ్య‌క్తం అవుతోంది.
ఇప్ప‌టికే 500 ఏళ్ల త‌ర్వాత అయోధ్య లోని రామ మందిరం పూర్తి కావ‌డం, దానికి కూడా అనుమ‌తించడం, ప్ర‌ధాని పునః ప్రారంభించ‌డంతో రాబోయే ఎన్నిక‌ల్లో ఆ పార్టీకి గ‌ణ‌నీయంగా ఓట్లు రాబ‌ట్టేందుకు వీలు క‌ల్పించిన‌ట్ల‌యింది.
బుధ‌వారం జ్ఞాన్ వాపి కేసుకు సంబంధించి సుదీర్ఘ విచార‌ణ జ‌రిగింది. వాదోప వాద‌న‌లు విన్న కోర్టు కీల‌క వ్యాఖ్య‌లు చేసింది. వారం రోజుల్లో హిందువులు అక్క‌డ పూజ‌లు చేసేందుకు ప‌ర్మిష‌న్ ఇవ్వాల‌ని ఆదేశించింది. ఎవ‌రికీ ఎలాంటి ఇబ్బందులు లేకుండా చూడాల‌ని రాష్ట్ర స‌ర్కార్ ను ఆదేశించింది.
జ్ఞాన‌వాపి మ‌సీదు కాంప్లెక్స్ లో గ‌తంలో సీలు వేసిన నేలమాళిగ‌లో వ్యాస్ కా టేఖానా ప్రాంతంలో పూజ‌లు చేసుకోవ‌చ్చ‌ని, దీనికి ఎలాంటి అభ్యంత‌రాలు ఉండ కూడ‌ద‌ని సిటీ కోర్టు సంచ‌ల‌న తీర్పు వెలువ‌రించింది.
