ఉస్మానియా యూనివ‌ర్శిటీ కీల‌క ప్ర‌క‌ట‌న
హైదరాబాద్ నగర పరిసర ప్రాంతాలలో ‘ఆదిత్య డిగ్రీ కళాశాలలు’ లేదా ‘ఆదిత్య బిజినెస్ స్కూల్’ అనే పేర్లతో ఉన్న ఏ కళాశాలలకు కూడా ఉస్మానియా విశ్వ విద్యాలయం ఇప్పటి వరకు అనుబంధ గుర్తింపును మంజూరు చేయలేదని స్ప‌ష్టం చేసింది. అంతే కాకుండా పొడిగించ లేద‌ని పేర్కొంది. తెలంగాణ ప్రభుత్వ ఉన్నత విద్యా శాఖ, తెలంగాణ ఉన్నత విద్యా మండలి, ఉస్మానియా విశ్వ విద్యాలయం వంటి సమర్థ అధికారుల నుండి అనుమతి పొందకుండా, ‘ఆదిత్య డిగ్రీ కళాశాలలు/ఆదిత్య గ్రూప్ ఆఫ్ కాలేజీలు’ అని ప్రకటనలు వెలువడుతున్నాయ‌ని హెచ్చరించింది.
ఇది అనుబంధ గుర్తింపు నిబంధనలను ఉల్లంఘించడమే కాక, వాటికి విరుద్ధం కూడా అని పేర్కొంది. అందువల్ల, ప్రజలు ‘ఆదిత్య డిగ్రీ కళాశాలలు/ఆదిత్య బిజినెస్ స్కూల్’ అని వచ్చే అటువంటి తప్పుదోవ పట్టించే ప్రకటనలకు మోస పోవ‌ద్ద‌ని కోరింది. ఆ కళాశాలల్లో ఎవ‌రూ చేరవద్దని హెచ్చరించింది. త‌మ భ‌విష్య‌త్తు అంధాక‌రం చేసుకోవ‌ద్ద‌ని సూచించింది ఉస్మానియా యూనివ‌ర్శిటీ. ఈ మేర‌కు జారీ చేసిన ఉత్త‌ర్వుల‌లో ఓయు రిజిస్ట్రార్ పేర్కొన్నారు.
