టీవీకేకు మ‌ద్ద‌తు హైక‌మాండ్ నిర్ణ‌యం

స్ప‌ష్టం చేసిన డిప్యూటీ సీఎం డీకే శివ‌కుమార్

పుదుచ్ఏచ‌రి : త‌మిళ‌నాడులో టీవీకే విజ‌య్ పార్టీకి కాంగ్రెస్ పార్టీ మ‌ద్ద‌తు ఇవ్వ‌డం ప‌ట్ల స్పందించారు, ఆస‌క్తిక‌ర వ్యాఖ్య‌లు చేశారు క‌ర్ణాట‌క రాష్ట్ర ఉప ముఖ్య‌మంత్రి డీకే శివ‌కుమార్. మా పార్టీ తీసుకున్న ఏ నిర్ణయమైనా సరే, బీజేపీ శక్తులను అధికారం నుండి దూరంగా ఉంచాలనే ఉద్దేశంతోనే ఈ నిర్ణ‌యం తీసుకోవాల్సి వ‌చ్చింద‌న్నారు . మా ఏకైక లక్ష్యం అదే. అంతిమంగా, లౌకిక శక్తులు బలోపేతం కావాలని తాము కోరుకుంటున్న‌ట్లు తెలిపారు.

పుదుచ్చేరి ఎన్నికల్లో పార్టీ పనితీరుపై ఆయన మాట్లాడారు. భవిష్యత్తులో తాము రాజకీయ పరిస్థితులను చక్కదిద్దుతామని పేర్కొన్నారు. కొన్ని నిర్ణయాలు ఆలస్యంగా తీసుకున్నామని మాకు తెలుసు అని చెప్పారు డికే శివ‌కుమార్. కచ్చితంగా, పార్టీ శ్రేయస్సు దృష్ట్యా,తాము పరిస్థితులను పునరుద్ధరించి, భవిష్యత్తులో సరైన రాజకీయ వ్యూహరచన చేయాల్సిన అవ‌స‌రం ఉంద‌న్నారు . ఇదిలా ఉండ‌గా తాజాగా త‌మిళ‌నాడులో జ‌రిగిన శాస‌న స‌భ ఎన్నిక‌ల్లో ఎవ‌రూ ఊహించ‌ని రీతిలో టీవీకే పార్టీ 108 స్థానాల‌ను సాధించింది. కాంగ్రెస్ పార్టీ , వీసీకే, సీపీఐ, సీపీఎం, ఐసీయుఎంఎల్ పార్టీలు మ‌ద్ద‌తు ఇచ్చాయి.