VijayaBhaskar
కితాబు ఇచ్చిన ప్రముఖ నటి సమంత
చెన్నై : తమిళనాడు ముఖ్యమంత్రి జోసెఫ్ విజయ్ చంద్రశేఖర్ పై ప్రశంసలు కురిపించింది నటి సమంత రుతు ప్రభు. తను మర్యాద పూర్వకంగా సీఎంను కలిసింది. విజయ్ కేవలం తెరపై హీరోగా మాత్రమే మిగిలి పోలేదని నాకు ఎప్పుడూ అనిపిస్తుంది. ఆయన శక్తి, , ఆయన ఉనికి, ప్రజలు ఆయనకు స్పందించే తీరు చూస్తుంటే, ఆయన ఏదో గొప్ప పని కోసం పుట్టారన్న భావన కలుగుతుంది. పూర్తిగా కొత్త రంగంలోకి అడుగు పెట్టడానికి కావలసిన ధైర్యం నన్ను ఎంతగానో ప్రేరేపిస్తుంది. మీరు ఇప్పటికే ప్రావీణ్యం సంపాదించిన దాన్ని వదిలిపెట్టి, పర్యవసానాలు చాలా తీవ్రంగా ఉండే సవాలును స్వీకరించడం. అది సులభం కాబట్టి కాదు, మీరు ఒక మార్పు తీసుకు రాగలరని మీరు నమ్మినందువల్ల.
మన జీవితంలో ఏదో ఒక సమయంలో, మనమందరం ఇంకా ఎక్కువ చేయాలని పిలుపు అందుకుంటామని నేను అనుకుంటున్నాను. మనల్ని మనం దాటి చూసి, మనం ఎలా తోడ్పడగలమో ప్రశ్నించు కోవాలి. చాలా తక్కువ మంది మాత్రమే ఆ పిలుపునకు స్పందిస్తారు. విజయ్ ని ఇప్పటికే నమ్మిన వారిని కూడా ఆయన ఆశ్చర్య పరుస్తారని నాకు అనిపిస్తోంది. ఆయన పదవిలో ఉన్నందువల్ల కాదు, ఆయన ఆ పదవిని చేపట్టే సంకల్పం వల్ల. ఆయనకు బలం, వివేకం, ఈ మార్గంలో నిలకడగా ఉండే ధైర్యం కలగాలని కోరుకుంటున్నాను. అంతే కాదు చూస్తున్న ప్రతి యువతకు, మీరు మొదలు పెట్టిన కల కన్నా జీవితం ఎంతో గొప్పదని ఇది ఒక జ్ఞాపికగా నిలవాలి.
