ఆంధ్రప్రదేశ్‌లో ‘సర్’ ప్ర‌క్రియ 10 రోజులు పెంపు

అమ‌రావ‌తి : ఎన్నిక‌ల సంఘం కీల‌క ప్ర‌క‌ట‌న చేసింది. ఆంధ్రప్రదేశ్‌లో ఓటర్ల జాబితా ప్రత్యేక సమగ్ర సవరణ (SIR) ప్రక్రియను 10 రోజులు పొడిగించేందుకు ఓకే చెప్పింది. సవరించిన షెడ్యూల్ ప్రకారం పోలింగ్ కేంద్రాల హేతుబద్ధీకరణ, పునర్వ్యవస్థీకరణ జూలై 24 నాటికి పూర్తవుతాయి . ముసాయిదా ఓటర్ల జాబితా జూలై 31న విడుదల చేయబడుతుంది. జూలై 31 నుండి ఆగస్టు 30 వరకు ఒక నెల పాటు అభ్యంతరాలు , క్లెయిమ్‌లను దాఖలు చేయవచ్చని, ఆ తర్వాత జూలై 31 నుండి సెప్టెంబర్ 28 వరకు నోటీసుల దశ , వాటి పరిష్కార ప్రక్రియ జరుగుతుందని ఎన్నికల సంఘం తెలిపింది. రాష్ట్ర ప్రధాన ఎన్నికల అధికారి (CEO) వివేక్ యాదవ్ అభ్యర్థన మేరకు ఆంధ్రప్రదేశ్‌లో ఓటర్ల జాబితా ప్రత్యేక సమగ్ర సవరణ (SIR) ప్రక్రియను కేంద్ర ఎన్నికల సంఘం మంగళవారం 10 రోజులు పొడిగించింది.

బూత్ స్థాయి అధికారులు (BLOs) ఇంటింటికీ వెళ్లి వివరాలు సేకరించే గడువును జూలై 24 వరకు పొడిగించారు. జూన్ 15న ప్రారంభమైన ఈ ప్రక్రియ, అసలు షెడ్యూల్ ప్రకారం జూలై 14తో ముగియాల్సి ఉంది. ఆంధ్రప్రదేశ్‌కు సంబంధించి సదరు (ప్రత్యేక సమగ్ర సవరణ) షెడ్యూల్‌ను సవరించాలని కమిషన్ నిర్ణయించింది అని ప్రధాన ఎన్నికల అధికారి యాదవ్‌కు రాసిన లేఖలో ఎన్నికల సంఘం పేర్కొంది. సవరించిన షెడ్యూల్ ప్రకారం, పోలింగ్ కేంద్రాల హేతుబద్ధీకరణ, పునర్వ్యవస్థీకరణ జూలై 24 నాటికి పూర్తవుతాయి, ముసాయిదా ఓటర్ల జాబితా జూలై 31న విడుదల చేయబడుతుంది. అలాగే, జూలై 31 నుండి ఆగస్టు 30 వరకు ఒక నెల పాటు అభ్యంతరాలు , క్లెయిమ్‌లను దాఖలు చేయవచ్చని, ఆ తర్వాత జూలై 31 నుండి సెప్టెంబర్ 28 వరకు నోటీసుల దశ , వాటి పరిష్కార ప్రక్రియ జరుగుతుందని ఎన్నికల సంఘం తెలిపింది. ఎన్నికల సంఘం ప్రకారం, తుది ఓటర్ల జాబితా అక్టోబర్ 10న విడుదల చేయబడుతుంది.