ఇంగ్లండ్ : ఆర్ఎస్ఎస్ చీఫ్ మోహన్ భగవత్ విదేశీ ప‌ర్య‌ట‌న‌లో బిజీగా ఉన్నారు. హిందుత్వం , భారత్ పట్ల పాశ్చాత్య దేశాల్లో ఉన్న అపోహలను తొలగించడమే త‌న ల‌క్ష్య‌మ‌ని ఈ సంద‌ర్బంగా ప్ర‌క‌టించారు. . ఆర్ఎస్ఎస్ శతాబ్ది ఉత్సవాల్లో భాగంగా జరుగుతున్న ఆరు రోజుల పర్యటన గురించి మాట్లాడారు. భారత్ అనేది ఒక కఠినమైన రాజకీయ దేశ-రాజ్యంకాదని, అదొక సాంస్కృతిక భావన అని సునీల్ అంబేకర్ నొక్కి చెప్పారు. అలాగే హిందుత్వం సహజంగానే అన్ని మత సంప్రదాయాలను గౌరవిస్తుందని , అంగీకరిస్తుందని ఆయన పేర్కొన్నారు. హిందుత్వం మూలతత్వాన్ని వివరించడం ద్వారా ప్రపంచ వ్యాప్తంగా ఉన్న అపోహలను నివృత్తి చేసే లక్ష్యంతో ఆర్ఎస్ఎస్ చీఫ్ మోహన్ భగవత్ యునైటెడ్ కింగ్‌డమ్‌లో పర్యటిస్తున్నారని ఆర్ఎస్ఎస్ ప్రచార ప్రముఖ్ సునీల్ అంబేకర్ తెలిపారు. ఈ పర్యటన ద్వారా పాశ్చాత్య విద్యావేత్తలు, ప్రముఖ వ్యక్తులతో భారతదేశం గురించి లోతైన నాగరికతా పరమైన చర్చలు జరపడం ఉద్దేశమని పేర్కొన్నారు.
పరస్పర అవగాహనను పెంపొందించడానికి పారదర్శకమైన చర్చలకు తమ సంస్థ సిద్ధంగా ఉందని అంబేకర్ స్పష్టం చేశారు. చాలా అపోహలు ఉన్నాయి. భారత్ అనేది రాజకీయ దేశ-రాజ్యం వంటి భావన కాదు; అదొక సాంస్కృతిక భావన. హిందుత్వం ఏ మతం లాంటిదీ కాదు. అది ఒక స్థిరమైన లేదా పరిమితమైన భావన కాదు. ఇది ఏ రకమైన మతం లేదా అన్ని మతపరమైన ఆచరణల సత్యం పట్ల గౌరవం , విశ్వాసం కలిగి ఉండే భావన. అదే హిందుత్వం అదే భారత్. కాబట్టి, ఈ పర్యటన అపోహలను తొలగించి, సరైన అవగాహన కల్పించడంలో సహాయ పడుతుందని తాను భావిస్తున్న‌ట్లు పేర్కొన్నారు అంబేకర్ . ఆర్ఎస్ఎస్ శతాబ్ది ఉత్సవాల సందర్భంగా ఆర్ఎస్ఎస్ చీఫ్ మోహన్ భగవత్ సెప్టెంబర్ 2 నుండి 7 వరకు యునైటెడ్ కింగ్‌డమ్‌లో పర్యటిస్తున్నారు.
