అమ‌రావ‌తి : మంగళగిరిలో సెప్టెంబర్ 19 నుండి 27 వరకు ఉమెన్స్ ఆంధ్ర ప్రీమియర్ లీగ్ జరగనుంది. ఇందులో మొత్తం 13 మ్యాచ్‌లు ఉంటాయి. భారత మహిళా జట్టు మాజీ కెప్టెన్ మిథాలీ రాజ్ ఈ లీగ్‌కు బ్రాండ్ అంబాసిడర్‌గా ఎంపికయ్యారు. ఆంధ్ర క్రికెట్ అసోసియేషన్ రాబోయే ఉమెన్స్ ఆంధ్ర ప్రీమియర్ లీగ్ షెడ్యూల్‌ను విడుదల చేసింది. ఫైనల్‌తో సహా మొత్తం 13 మ్యాచ్‌లు సెప్టెంబర్ 19 నుండి 27 వరకు జరుగుతాయి. ఫైనల్ మ్యాచ్ కోసం ఒక ‘రిజర్వ్ డే’ (అదనపు రోజు) కేటాయించ బడింది. మ్యాచ్‌లు మంగళగిరిలో జరుగుతాయి . పగలు, రాత్రి వేళల్లో మ్యాచ్‌లు నిర్వహించ బడతాయి. ప్రేక్షకులకు ఉచిత ప్రవేశం కల్పిస్తారు. WAPL లీగ్ దశలో నాలుగు జట్లు పాల్గొంటాయి, అత్యుత్తమ ప్రదర్శన కనబరిచిన జట్లు ఫైనల్‌కు చేరుకుంటాయి. విజేతను సెప్టెంబర్ 27న నిర్ణయిస్తారు.
ఇదిలా ఉండ‌గా ఈ లీగ్ బ్రాండ్ అంబాసిడర్‌గా భారత మాజీ కెప్టెన్ మిథాలీ రాజ్ నియమితులయ్యారు. ఆమె భాగస్వామ్యం యువ క్రికెటర్లకు స్ఫూర్తినిస్తుందని , మహిళా క్రికెట్‌కు మరింత గుర్తింపు తెస్తుందని నిర్వాహకులు పేర్కొన్నారు. ప్రారంభోత్సవ వేడుకలకు ఏర్పాట్లు జరుగుతున్నాయి, దీనికి ప్రత్యేక అతిథులు హాజరయ్యే అవకాశం ఉంది. ప్రముఖ అతిథుల వివరాలు తర్వాత ప్రకటించ బడతాయి. ACA అధ్యక్షుడు కేశినేని శివనాథ్ (చిన్ని), కార్యదర్శి సనా సతీష్ బాబు, గవర్నింగ్ కౌన్సిల్ చైర్మన్ సుజయ్ కృష్ణ రంగారావు , క్రికెట్ కార్యకలాపాల డైరెక్టర్ దొడ్డపనేని కళ్యాణ్ కృష్ణ ఏర్పాట్లను పర్యవేక్షిస్తున్నారు; ఇందులో క్రీడాకారుల వసతులు, మ్యాచ్ నిర్వహణ , ప్రేక్షకులకు కల్పించే సౌకర్యాలు ఉన్నాయి. లీగ్ నిర్వహణకు క్రీడాకారులు, అభిమానుల మద్దతు ఎంతో కీలకమని నిర్వాహకులు తెలిపారు.
