ప్రధాని మోదీతో ఇరాన్ ప్రెసిడెంట్ పెజెష్కియన్ భేటీ

టెహ్రాన్ : ఇరాన్ అధ్యక్షుడు ప్రధాని మోదీ, పాకిస్థాన్ ప్రధాని షెహబాజ్ షరీఫ్ , కిర్గిజ్‌స్థాన్, రష్యా, తజికిస్థాన్ అధ్యక్షులతో సహా పలువురు పాల్గొనే నాయకులతో ద్వైపాక్షిక సమావేశాలు నిర్వహిస్తారు. కిర్గిజ్‌స్థాన్‌లో రెండు రోజుల పర్యటనలో భాగంగా ఇరాన్ అధ్యక్షుడు మసూద్ పెజెష్కియన్ ప్రధాని నరేంద్ర మోదీని కలవనున్నారు. షాంఘై కోఆపరేషన్ ఆర్గనైజేషన్ (SCO) సదస్సు , SCO ప్లస్ సమావేశం కోసం కిర్గిజ్‌స్థాన్‌లో రెండు రోజుల పర్యటనలో ఉన్న ఇరాన్ అధ్యక్షుడు మసూద్ పెజెష్కియన్, ప్రధాని నరేంద్ర మోదీని కలవనున్నారని ఇరాన్ ప్రభుత్వ వార్తా సంస్థ ఇర్నా సోమవారం నివేదించింది. SCO ప్లస్ సమావేశంలో పాల్గొని ప్రసంగించడానికి పెజెష్కియన్ టెహ్రాన్ నుండి కిర్గిజ్‌స్థాన్ రాజధాని బిష్కెక్ బయలు దేరారు.

కిర్గిజ్ అధ్యక్షుడు సాదిర్ జపరోవ్ ఆహ్వానం మేరకు పెజెష్కియన్ 6వ వరల్డ్ నోమాడ్ గేమ్స్ అధికారిక ప్రారంభోత్సవానికి కూడా హాజరవుతారని ఇర్నా పేర్కొంది. తాను బయలు దేరే ముందు ఇరాన్ యుద్ధాన్ని కోరుకోవడం లేదని, అయితే ఏ విధమైన దురాక్రమణకైనా దృఢంగా, సంకల్పంతో స్పందిస్తుందని పెజెష్కియన్ అన్నారు. ఈ ప్రాంతంలో అస్థిరత అన్ని దేశాలకు హానికరం అని ఆయన భావించారు. ఆర్థిక, భద్రతా లక్ష్యాలను ముందుకు తీసుకెళ్లడానికి సమన్వయం అవసరమని పేర్కొన్నారు. ఈ సమావేశం చాలా ముఖ్యమైనది . ఈ ప్రాంతంలోని చాలా మంది నాయకులు ఇందులో పాల్గొంటారు. ప్రపంచంలో కొన్ని అంతర్జాతీయ సంస్థలు ఏకీకృత వ్యవస్థను సృష్టించడానికి ప్రయత్నిస్తున్న తరుణంలో, ఈ సమావేశం ప్రపంచ వేదికపై వైవిధ్యమైన , స్వతంత్ర గొంతుకలు ఉన్నాయనడానికి చిహ్నంగా పరిగణించ బడుతుంది అని ఆయన అన్నారు.