దివ్యాంగులకు ఉచిత బస్సు ప్రయాణ సదుపాయం

చెన్నై : త‌మిళ‌నాడు సీఎం జోసెఫ్ విజ‌య్ చంద్ర‌శేఖ‌ర్ తీపి క‌బురు చెప్పారు. కాళ్లు ప్రభావితమై, చేతులు బాగా పనిచేసే దివ్యాంగులకు ప్రత్యేకంగా రూపొందించిన చక్రాలతో కూడిన తక్కువ ఎత్తు గల స్కూటర్లను పంపిణీ చేస్తామని విజయ్ తెలిపారు. దివ్యాంగుల సంక్షేమ శాఖ మంత్రిగా కూడా వ్యవహరిస్తున్న ముఖ్యమంత్రి సి. జోసెఫ్ విజయ్, సాధారణ బస్సులలో దివ్యాంగులకు ఉన్న ఉచిత బస్సు పాస్ పథకాన్ని ఏసీ (AC) బస్సులు మినహా మిగిలిన అన్ని రకాల బస్సులకు విస్తరిస్తున్నట్లు ప్రకటించారు. శాఖకు సంబంధించిన నిధుల కేటాయింపు డిమాండ్లపై జరిగిన చర్చకు సమాధానమిస్తూ సాధారణ బస్సులలో సహాయకుడితో (helper) కలిసి ప్రయాణించే దివ్యాంగులకు వర్తించే ఈ ఉచిత బస్సు పథకాన్ని ఎక్స్‌ప్రెస్, LSS , డీలక్స్ బస్సులకు కూడా విస్తరిస్తున్నట్లు ఆయన తెలిపారు.

అలాగే, వెన్నెముక సమస్యలు ఉన్న దివ్యాంగుల కోసం మరో రెండు గృహాలను ఏర్పాటు చేస్తామని వెల్ల‌డించారు సీఎం. దివ్యాంగ పిల్లల కోసం ఆరు ప్రాథమిక శిక్షణా కేంద్రాలను ఏర్పాటు చేస్తామని జోసెఫ్ విజయ్ పేర్కొన్నారు. 500 మంది మానసిక దివ్యాంగుల ప్రయోజనం కోసం పది జిల్లాల్లో ప్రత్యేక గృహాలను ఏర్పాటు చేయనున్నట్లు కూడా ముఖ్యమంత్రి ప్రకటించారు. అలాగే, 400 మందికి ప్రయోజనం చేకూర్చేలా వృత్తిపరమైన శిక్షణా సదుపాయాలు కలిగిన గృహాలను పది జిల్లాల్లో ఏర్పాటు చేయనున్నట్లు తెలిపారు.