రాజ‌మౌళి వార‌ణాసి వాల్కానో లాంటి మూవీ

హైద‌రాబాద్ : ద‌ర్శ‌క ధీరుడు రాజ‌మౌళి త‌న‌యుడు కార్తికేయ సంచ‌ల‌న వ్యాఖ్య‌లు చేశారు. తాను తీసిన వార‌ణాసి మూవీ అగ్ని ప‌ర్వ‌తం లాంటిద‌న్నాడు. ‘వారణాసి’ చిత్రంలో మహేష్ బాబు ‘రుద్ర’ పాత్రలో, ప్రియాంక చోప్రా జోనస్ ‘మందాకిని’గా, పృథ్వీరాజ్ సుకుమారన్ ‘కుంభ’ పాత్రలో కనిపించనున్నారు. ఎంతో ఆసక్తిగా ఎదురు చూస్తున్న ఈ ప్రాజెక్ట్‌ను ఆయన ఒక “అగ్నిపర్వతం” తో పోల్చారు. తన నిర్మాణంలో వస్తున్న ‘డోంట్ ట్రబుల్ ది ట్రబుల్’ (Don’t Trouble The Trouble) సినిమా ప్రచార కార్యక్రమంలో భాగంగా ఆయన ఈ వ్యాఖ్యలు చేశారు. మహేష్ బాబు ప్రధాన పాత్రలో సాగే ఈ సాహసగాథ భారీ స్థాయిని , దాని ప్రభావాన్ని ఈ మాటలు సూచిస్తున్నాయి. యాక్షన్, అడ్వెంచర్, పురాణాలు , టైమ్ ట్రావెల్ అంశాల కలయికగా ఈ చిత్రం రూపొందుతోంది. దీని కథాంశం వివిధ కాలాలు, ప్రదేశాల నేపథ్యంలో సాగుతుంది.

ఇప్పటికే పలు కీలకమైన యాక్షన్ సన్నివేశాల చిత్రీకరణ పూర్తయిందని రాజమౌళి ధృవీకరించారు. శ్రీ దుర్గా ఆర్ట్స్ , షోయింగ్ బిజినెస్ బ్యానర్లపై కె.ఎల్. నారాయణ , ఎస్.ఎస్. కార్తికేయ నిర్మిస్తున్న ఈ చిత్రానికి ఎం.ఎం. కీరవాణి సంగీతం అందిస్తున్నారు. ప్రపంచ వ్యాప్తంగా ఈ చిత్రాన్ని 2027 ఏప్రిల్ 7న థియేటర్లలో విడుదల చేయనున్నట్లు చిత్ర బృందం ప్రకటించింది, దీంతో ‘వారణాసి’ అత్యంత ఆసక్తి రేకెత్తిస్తున్న భారీ చిత్రాలలో ఒకటిగా నిలిచింది. రామాయణానికి సంబంధించిన ఒక కీలక ఘట్టంలో మహేష్ బాబు శ్రీరాముడి పాత్రను పోషిస్తారని కూడా రాజమౌళి వెల్లడించారు. ఈ చిత్రంలో భారీ స్థాయిలో VFX , అద్భుతమైన యాక్షన్ సన్నివేశాలు ఉంటాయని భావిస్తున్నారు.