టీపీసీసీ చీఫ్ కు క‌ల్వకుంట్ల‌ క‌విత బంప‌ర్ ఆఫ‌ర్

కాంగ్రెస్ పార్టీ అధికారంలోకి రాదని షాకింగ్ కామెంట్స్

హైద‌రాబాద్ : మాజీ ఎమ్మెల్సీ క‌ల్వ‌కుంట్ల క‌విత షాకింగ్ కామెంట్స్ చేశారు. తాను కాంగ్రెస్ పార్టీలో చేరుతున్న‌ట్లు జ‌రుగుతున్న ప్ర‌చారం పూర్తిగా అబ‌ద్ద‌మ‌న్నారు. తెలంగాణ రాష్ట్రంలో తాము ప్ర‌త్యామ్నాయ రాజ‌కీయ పార్టీగా ఎదుగుతామ‌న్నారు. బంజారాహిల్స్‌లోని తెలంగాణ జాగృతి కార్యాలయంలో విలేకరుల సమావేశంలో క‌విత మాట్లాడారు. రాబోయే ఎన్నిక‌ల్లో కాంగ్రెస్ పార్టీ ప‌వ‌ర్ లోకి రాద‌న్నారు. ఈ సంద‌ర్బంగా టీపీసీసీ చీఫ్ మ‌హేష్ కుమార్ గౌడ్ కు బంప‌ర్ ఆఫ‌ర్ ఇచ్చారు క‌విత‌. త‌న పార్టీ అధికారంలోకి రాద‌ని, త‌న‌కు మంచి ప్ర‌యారిటీ ఇస్తామ‌ని ప్ర‌క‌టించారు. పెద్ద చేపని రక్షించడానికి వివాదాన్నిచిన్న చేప చుట్టూ మళ్లిస్తున్నారని, దాదాపు రూ. 25,000 కోట్ల విలువైన కాంట్రాక్టులను మేఘా గ్రూప్‌కు ఇవ్వడానికి చేసిన ప్రయత్నాలను ప్రస్తావిస్తూ అన్నారు.

చర్చలో ప్రముఖంగా చూపబడిన సృజన్ రెడ్డికి రూ. 250 కోట్ల విలువైన కాంట్రాక్టులు మాత్రమే వచ్చాయని, మేఘా కృష్ణారెడ్డికి భారీ కాంట్రాక్టులు ప్లాన్ చేయబడుతున్నాయని చెబుతున్న వాస్తవ సమస్యను విస్మరిస్తున్నారని ఆమె పేర్కొన్నారు. ఈ అంశంపై BRS నాయకత్వం ఎందుకు మౌనంగా ఉందని ఆమె ప్రశ్నించారు. కొంతమంది రాజకీయ నాయకులు , మీడియా సంస్థలు కలిసి ఒక చిన్న సమస్యను పెద్దది చేయడానికి , పెద్ద ఎత్తున కాంట్రాక్టులకు సంబంధించిన వాస్తవాలను ఉద్దేశ పూర్వకంగా దాచిపెడుతున్నారని కవిత ఆరోపించారు. గతంలో BRS పాలనలోనే సృజన్ రెడ్డికి కాంట్రాక్టులు మంజూరు అయ్యాయని ఆమె ఎత్తి చూపారు . ముఖ్యమంత్రి బంధువుగా అతని సంబంధాన్ని ఆ సమయంలో ఎందుకు లేవనెత్తలేదని ప్రశ్నించారు.