రిజ‌ర్వేష‌న్ల కోసం హైకోర్టులో కాంగ్రెస్ పిటిష‌న్లు

కీల‌క నిర్ణ‌యం తీసుకున్న బీసీ మంత్రులు

హైద‌రాబాద్ : తెలంగాణ కాంగ్రెస్ స‌ర్కార్ సంచ‌ల‌న నిర్ణ‌యం తీసుకుంది. సీఎం రేవంత్ రెడ్డి అధ్య‌క్ష‌త‌న బీసీ సామాజిక వ‌ర్గానికి చెందిన మంత్రులు, ఎమ్మెల్యేలు కీల‌క స‌మావేశం నిర్వహించారు. ఈ సంద‌ర్బంగా సామూహికంగా హైకోర్టులో బీసీల‌కు 42 శాతం రిజ‌ర్వేష‌న్లు క‌ల్పించాల‌ని కోరుతూ పిటిష‌న్లు పెద్ద ఎత్తున దాఖ‌లు చేయాల‌ని నిర్ణ‌యించారు. మంత్రులు, ఎమ్మెల్యేలు, వివిధ బీసీ సంఘాలు పిటిషన్లు సమర్పించనున్నారు. మంత్రులు పొన్నం ప్రభాకర్, కొండా సురేఖ, వాకిటి శ్రీహరి, టీపీసీసీ చీఫ్ , ఎమ్మెల్సీ బి. మహేష్ కుమార్ గౌడ్, పలువురు బీసీ శాసనసభ్యులు హాజరైన వారిలో ఉన్నారు. స్థానిక పాలనలో బీసీలకు సరైన వాటాను నిర్ధారించే చారిత్రాత్మక చర్యగా జీవో 9ను నాయకులు అభివర్ణించారు. గత బీఆర్ఎస్ ప్రభుత్వం 2019 స్థానిక సంస్థల ఎన్నికల్లో బీసీలకు కేవలం 23 శాతం రిజర్వేషన్లు మాత్రమే కల్పించిందని, కాంగ్రెస్ కోటాను దాదాపు రెట్టింపు చేసిందని వారు ఎత్తి చూపారు.

కొత్త కోటాను కలుపుకొని తెలంగాణ రాష్ట్ర ఎన్నికల కమిషన్ సెప్టెంబర్ 29న జారీ చేసిన నోటిఫికేషన్‌ను కూడా వారు స్వాగతించారు. నాయకుల ప్రకారం కుల గణన నిర్వహించడం, సుప్రీంకోర్టు ఆదేశించిన విధంగా ప్రత్యేక బీసీ కమిషన్‌ను ఏర్పాటు చేయడం వంటి అన్ని చట్టబద్ధమైన విధానాలను అనుసరించిన తర్వాత 42 శాతం కోటా నిర్ణయించ బడింది. కుల గణన డేటా, కమిషన్ కనుగొన్న విషయాలు విద్య, ఉపాధి, రాజకీయ ప్రాతినిధ్యంలో బీసీల వెనుకబాటుతనాన్ని స్పష్టంగా నిర్ధారించాయని, GO 9 కి చట్టపరమైన ఆధారాన్ని అందిస్తాయని మహేష్ కుమార్ గౌడ్ అన్నారు. 30 జిల్లాలు శాసనసభలో బిల్లులు ఆమోదించ బడినప్పుడు పెరిగిన కోటాకు అన్ని రాజకీయ పార్టీల నుండి ఏకగ్రీవ ఆమోదం లభించిందని వారు హైకోర్టుకు తెలియ జేయాలని కూడా నిర్ణయించుకున్నారు. గవర్నర్, రాష్ట్రపతి ఆమోదం కోసం బిల్లులు వేచి ఉన్నందున, రిజర్వేషన్లను నిర్ణయించడానికి కోర్టు నుంచి తుది తీర్పు ఇంకా వెలువ‌రించ లేదు.