బీసీ కోటా పున‌రుద్ద‌ర‌ణ కోసం కోర్టుకు వెళ‌తాం

అమ‌రావ‌తి : ఏపీ ముఖ్య‌మంత్రి నారా చంద్ర‌బాబు నాయుడు సంచ‌ల‌న ప్ర‌క‌ట‌న చేశారు. తాజాగా బీసీల‌కు స్థానిక సంస్థ‌ల ఎన్నిక‌ల్లో 34 శాతం రిజ‌ర్వేష‌న్ క‌ల్పించ‌డాన్ని త‌ప్పు ప‌ట్టింది రాష్ట్ర హైకోర్టు. దీనిపై గురువారం స్పందించారు సీఎం. స్థానిక సంస్థల ఎన్నికల్లో 34% BC కోటాను పునరుద్ధరించేందుకు న్యాయ పోరాటం చేస్తామని నాయుడు ప్రతిజ్ఞ చేశారు. ఆయ‌న మీడియాతో మాట్లాడారు. 34 శాతం రిజర్వేషన్ కల్పిస్తూ జారీ చేసిన ప్రభుత్వ ఉత్తర్వులను హైకోర్టు కొట్టివేయడాన్ని సవాలు చేస్తూ సుప్రీంకోర్టులో అప్పీల్ చేస్తామని ప్రకటించారు.

స్థానిక సంస్థలలో వెనుకబడిన తరగతులకు (BCs) 34 శాతం రిజర్వేషన్‌ను పునరుద్ధరించేందుకు తమ ప్రభుత్వం కట్టుబడి ఉంటుందని మ‌రోసారి స్ప‌ష్టం చేశారు. ఇందు కోసం ఎంత దూర‌మైనా వెళ్లేందుకు తాను సిద్దంగా ఉన్న‌ట్లు ప్ర‌క‌టించారు. ఎవ‌రూ ఆందోళ‌న చెందాల్సిన అవ‌స‌రం లేద‌న్నారు సీఎం. న్యాయ పోరాటం ఆపే ప్ర‌స‌క్తే లేద‌న్నారు. బాప‌ట్ల జిల్లా రేపల్లెలో జరిగిన బహిరంగ సభలో ప్రసంగిస్తూ ఈ కీల‌క వ్యాఖ్య‌లు చేశారు. BC రిజర్వేషన్లకు ఆటంకాలు సృష్టించేలా YSR కాంగ్రెస్ పార్టీ కోర్టులను ఆశ్రయించిందని నాయుడు ఆరోపించారు. 34 శాతం రిజర్వేషన్ కల్పిస్తూ జారీ చేసిన ప్రభుత్వ ఉత్తర్వులను హైకోర్టు కొట్టివేయడాన్ని సవాలు చేస్తూ సుప్రీంకోర్టులో అప్పీల్ చేస్తామని తెలిపారు.