ఢిల్లీలో సీజేపీ ఆందోళ‌న ఉద్రిక్తం..ప‌లువురికి గాయాలు

న్యూఢిల్లీ : కేంద్ర ఎన్నిక‌ల క‌మిష‌న‌ర్ జ్ఞానేష్ కుమార్ త‌క్ష‌ణ‌మే త‌ప్పు కోవాల‌ని, త‌న ప‌ద‌వికి రాజీనామా చేయాల‌ని డిమాండ్ చేస్తూ శ‌నివారం దేశ రాజ‌ధాని ఢిల్లీలో కాక్రోచ్ జ‌న‌తా పార్టీ ఆధ్వ‌ర్యంలో భారీ ఆందోళ‌న చేప‌ట్టారు. ఎక్క‌డ చూసినా వేలాది మంది పోలీసులు మోహ‌రించారు. అయినా కార్య‌క‌ర్త‌లు పెద్ద ఎత్తున త‌ర‌లి వ‌చ్చారు. నినాదాలు చేశారు. ఢిల్లీలోని ఆకాశవాణి భవన్ సమీపంలో రాళ్ల దాడి ఘటన చోటు చేసుకుంది. ఈ ఘ‌ట‌న‌లో ఇద్దరు పోలీసులకు గాయాలు అయ్యాయి. ఢిల్లీలో పరిస్థితి ఇప్పటివరకు ప్రశాంతంగా ఉన్నప్పటికీ గురుద్వారా బంగ్లా సాహిబ్‌కు వెళ్లిన కొందరు నిరసనకారులను అదుపులోకి తీసుకున్న సమయంలో ఆకాశవాణి భవన్ సమీపంలో రాళ్లు రువ్విన ఘటన ఒకటి చోటు చేసుకుంది.

వీరిలో ప్రధానంగా SFIకి చెందిన కొందరు నిరసనకారులు ఆకాశవాణి భవన్ వరకు చేరుకుని, అక్కడి నుండి జంతర్ మంతర్ వైపు వెళ్లాలని భావించారు. ఢిల్లీ వ్యాప్తంగా CJP కార్యకర్తలను అదుపులోకి తీసుకుంటున్న నేపథ్యంలో, SFI , వామపక్ష పార్టీలు CJP నిరసనకు మద్దతు ప్రకటించాయి; వీరే రోడ్డుపై ధర్నాకు దిగారు. పోలీసులు వారిని అక్కడి నుండి తరలిస్తుండగా, కొందరు నిరసనకారులు పోలీసులపై రాళ్లు రువ్వడంతో ఇద్దరు పోలీసు అధికారులు గాయపడ్డారు. CEC జ్ఞనేష్ కుమార్ రాజీనామాను డిమాండ్ చేస్తూ SFI కార్యకర్తలు ప్లకార్డులు, పోస్టర్లను ప్రదర్శించడం కనిపించింది. అయితే, పోలీసులు వారిని అక్కడి నుండి తొలగించి కేంద్రాలకు తరలించారు.