జైలర్ -2 టికెట్ ధరల పెంపునకు స‌ర్కార్ ఓకే
అమ‌రావ‌తి : సూప‌ర్ స్టార్ త‌లైవా ర‌జ‌నీకాంత్ కీ రోల్ పోషించిన చిత్రం జైలర్ -2 . ఈ సినిమా అక్టోబ‌ర్ 15న ప్రేక్షకుల ముందుకు రానుంది. దీంతో తన అభిమానుల‌కు తీపి క‌బురు చెప్పింది మూవీ టీం. ఇదిలా ఉండ‌గా ‘జైలర్ 2’ టికెట్ ధరల పెంపునకు ఏపీ ప్రభుత్వం ఆమోదం తెలిపింది. దసరా పండుగ సందర్భంగా ఇది ప్రేక్షకుల ముందుకు రానుంది. విడుదల తేదీ దగ్గర పడుతుండటంతో చిత్ర బృందం ప్రచార కార్యక్రమాలతో పాటు పోస్ట్-ప్రొడక్షన్ పనులలో నిమగ్నమై ఉంది. టికెట్ ధరల పెంపు విషయానికి వస్తే, రాష్ట్రంలో టికెట్ ధరలను పెంచడానికి ఏపీ ప్రభుత్వం అనుమతినిచ్చింది. ఈ ప్రభుత్వ ఉత్తర్వు (GO) ప్రకారం సింగిల్ స్క్రీన్ థియేటర్లు ఒక్కో టికెట్‌పై అదనంగా రూ. 50 వసూలు చేయవచ్చు, అలాగే మల్టీప్లెక్స్‌లలో టికెట్ ధరలను రూ. 75 వరకు పెంచవచ్చు. మరోవైపు, రెండు తెలుగు రాష్ట్రాల్లోనూ ‘జైలర్ 2’ చిత్రాన్ని నాగ వంశీకి చెందిన ‘సితార ఎంటర్‌టైన్‌మెంట్స్’ పంపిణీ చేస్తోంది.
ట్రైలర్ విషయానికొస్తే రజనీ ‘టైగర్ ముత్తువేల్ పాండియన్’గా తిరిగి వచ్చి తన వేటను ప్రారంభిస్తారు. ఆయన డ్రైవర్‌గా పరిచయమైనప్పటికీ, నేరస్థుల కోసం తన వేటను కొనసాగిస్తారు. అయితే ఈసారి, తన ఆధునిక శైలితో ఆకట్టుకునే విద్యాబాలన్‌ను ఆయన ఎదుర్కోవాల్సి ఉంటుంది. మిథున్ చక్రవర్తి, మోహన్‌లాల్ , శివరాజ్ కుమార్ కనిపించే దృశ్యాలు కూడా ట్రైలర్‌ను ఆసక్తికరంగా మార్చాయి. ఉత్కంఠను మరింత పెంచుతూ, చివరలో ఎస్.జె. సూర్య ఎంట్రీ ఇచ్చి తన ప్రమాదకరమైన ఆటను ప్రారంభిస్తారు. రజనీ కాంత్ , సూర్య మధ్య జరిగే పోరును చూడటానికి ప్రేక్షకులు ఆసక్తిగా ఎదురు చూస్తున్నారు. అలాగే, ఈ చిత్రంలో రమ్యకృష్ణ, యోగి బాబు, మిర్నా, రిత్విక్, జతిన్ సర్నా, సుజిత్ శంకర్ వంటి నటీనటుల భారీ తారాగణం కూడా ఉంది. నెల్సన్ దిలీప్‌కుమార్ దర్శకత్వంలో, సన్ పిక్చర్స్ బ్యానర్‌పై ‘జైలర్ 2’ చిత్రం రూపొందుతోంది.