వైభ‌వ్ సూర్య‌వంశీ వ‌ర‌ల్డ్ రికార్డ్

15 సిక్స‌ర్లు 16 ఫోర్ల‌తో సూప‌ర్ సెంచ‌రీ

రాంచీ : విజ‌య్ హ‌జారే ట్రోఫీలో భాగంగా బుధ‌వారం రాంచీ వేదిక‌గా జ‌రిగిన మ్యాచ్ లో రికార్డుల మోత మోగింది. బీహార్ బ్యాట‌ర్లు దుమ్ము రేపారు. ఆకాశామే హ‌ద్దుగా చెల‌రేగారు. చిచ్చ‌ర పిడుగు వైభ‌వ్ సూర్య‌వంశీ ఆకాశ‌మే హ‌ద్దుగా చెల‌రేగాడు. ఏకంగా 15 సిక్స‌ర్లు 16 ఫోర్ల‌తో రెచ్చి పోయాడు. కెప్టెన్ సాకీబుల్ గ‌ని కూడా సెంచ‌రీతో విరుచుకు ప‌డ్డాడు. వ‌ర‌ల్డ్ లోనే అత్య‌ధిక స్కోర్ సాధించింది బీహార్ టీం. కేవ‌లం 6 వికెట్లు కోల్పోయి 574 ర‌న్స్ చేసింది. దీంతో ప్ర‌త్య‌ర్థి జ‌ట్టు అరుణాచ‌ల్ ప్ర‌దేశ్ కు చుక్క‌లు చూపించారు వైభ‌వ్ సూర్య వంశీ, గ‌ని. గ‌ని 40 బంతుల్లో 128 ర‌న్స్ చేశాడు. కేవ‌లం 32 బంతుల్లోనే శ‌తకం పూర్తి చేసి లిస్ట్ -ఎ క్రికెట్ లో అత్యంత వేగవంత‌మైన సెంచ‌రీగా రికార్డ్ బ్రేక్ చేశాడు. ఇక సూర్య వంశీ కేవలం 36 బంతుల్లోనే మూడెంక‌ల స్కోర్ చేశాడు. 15 సిక్స‌ర్ల‌తో స‌హా 84 బంతుల్లో 190 ర‌న్స్ చేశాడు.

వికెట్ కీపర్ ఆయుష్ లోహరుకా కూడా 56 బంతుల్లో 116 పరుగులు చేసి ఈ పరుగుల వేటలో పాలుపంచుకున్నాడు, కానీ ఇప్పటికే 49 ఫోర్లు, 38 సిక్సర్లు నమోదైన ఈ వేదికపై, సూర్యవంశీ , గనిల అద్భుతమైన బ్యాటింగ్ ముందు అతని మెరుపు ఇన్నింగ్స్ కొంత వెలవెలబోయింది. నాణ్యత పరంగా సాధారణంగా ఉన్న బౌలింగ్‌పై తన క్రూరమైన దాడితో, 14 ఏళ్ల ఓపెనర్ సూర్యవంశీ 50 ఓవర్ల దేశీయ టోర్నమెంట్ ప్రారంభాన్ని ఉర్రూతలూగించాడు, ఆ తర్వాత అతని సీనియర్ సహచరులు బాధ్యత తీసుకుని తమ జట్టును ఈ ఫార్మాట్‌లో ప్రపంచ రికార్డు స్కోరుకు చేర్చారు. బీహార్ గతంలో తమిళనాడు పేరిట ఉన్న రికార్డును (2022-23 సీజన్‌లో అరుణాచల్ ప్రదేశ్‌పై 506/2) సునాయాసంగా బద్దలు కొట్టింది.