VijayaBhaskarజపనీస్ కీలక నటుడు హిరోయుకి సనాడా
జపాన్ : ప్రముఖ జపనీస్ నటుడు హిరోయుకి సనాడా ఆసక్తికర వ్యాఖ్యలు చేశాడు. సినీ రంగంతో పాటు జీవన ప్రయాణంపై స్పందించాడు. ప్రత్యేకించి మానవ స్వభావం గురించి పేర్కొన్నాడు. మానవ స్వభావంలోని ప్రగాఢమైన వైరుధ్యాల గురించి మాట్లాడాడు. జపనీస్ నటుడు స్పందిస్తూ కొంతమంది తమ ఇంట్లో స్విమ్మింగ్ పూల్ ఉండాలని కలలు కంటారు, కానీ అది ఉన్నవారు దానిని అస్సలు ఉపయోగించరు. ప్రియమైన వారిని కోల్పోయిన వారు తీవ్రమైన దుఃఖాన్ని అనుభవిస్తారు, కానీ ఇతరులు తమ జీవితంలో ఇంకా ఉన్న బంధువుల గురించి తరచుగా ఫిర్యాదు చేస్తుంటారు. భాగస్వామి లేనివారు ఒకరి కోసం ఆరాట పడతారు.
కానీ భాగస్వామి ఉన్నవారు తరచుగా వారిని అభినందించడంలో విఫలమవుతారు. ఆకలితో ఉన్నవారు ఒక పూట భోజనం కోసం ఏదైనా ఇస్తారు, కానీ కడుపు నిండినవారు తమ ఆహారం రుచి గురించి ఫిర్యాదు చేస్తారు. కారు లేనివారు ఒకటి కొనాలని కలలు కంటారు. కానీ కారు ఉన్నవారు ఎల్లప్పుడూ మరింత మెరుగైన దాని కోసం వెతుకుతూ ఉంటారు. అస్సలు ఆనందం అంటే ఏమిటి..? నిజమైన సంతోషం ఎక్కడ దొరుకుతుంది..? కేవలం కృతజ్ఞత తెలియ చేయడం వల్లనే అది లభిస్తుందని అన్నాడు హీరోయికి సనాడా. మన దగ్గర ఇప్పటికే ఉన్నవాటిని నిజంగా చూసి, వాటికి విలువ ఇవ్వడం, మనం తేలికగా తీసుకునే వాటి కోసం ఎక్కడో ఒకచోట ఎవరో ఒకరు తమ సర్వస్వాన్ని త్యాగం చేస్తారని అర్థం చేసుకోవడం కావాల్సి ఉంటుందన్నాడు.
