ఫెస్టివల్ లో పాల్గొనడం ఆనందంగా ఉంది
కీలక వ్యాఖ్యలు చేసిన నటి సంయుక్త మీనన్
న్యూఢిల్లీ : ప్రముఖ నటి సంయుక్త మీనన్ ఆసక్తికర వ్యాఖ్యలు చేశారు. తను అంతర్జాతీయ చలన చిత్రోత్సవంలో పాల్గొన్నారు. ఈ సందర్బంగా మీడియాతో మాట్లాడారు. ఇవాళ చాలా సంతోషంగా ఉందన్నారు. నేను ఇండియన్ పనోరమా చిత్ర పరిశ్రమలో నటిగా ఉన్నా. పలు కీలక సినిమాలలో వివిధ, విభిన్నమైన పాత్రలు పోషించానని చెప్పారు. అంతే కాకుండా అనేక దక్షిణాది భాషలలో నటించానని తెలిపారు సంయుక్త మీనన్. IFFDలో ప్రదర్శించబడుతున్న నా చిత్రం ‘విరూపాక్ష’ను నిర్మించిన నా నిర్మాత బాపీ సర్ తో కూడా ఇక్కడ ఉండటం మరింత ఆనందంగా ఉందన్నారు.
సినిమాలో నటించడం, ఛాన్స్ ఇచ్చినందుకు నిర్మాతకు తాను మొదట థ్యాంక్స్ తెలియ చేసుకుంటున్నట్లు వెల్లడించారు నటి సంయుక్త మీనన్. ఇది నాకు ఇష్టమైన చిత్రాలలో ఒకటి అని చెప్పారు. నేను పోషించిన ఉత్తమ పాత్రలలో ఒకటి అని పేర్కొన్నారు. ఢిల్లీలో ఇంత అందంగా, అద్భుతంగా ఫిల్మ్ ఫెస్టివల్ ను నిర్వహించడం పట్ల ఆనందం ఉందన్నారు. చక్కగా కార్యక్రమాన్ని నిర్వహిస్తున్నందుకు నిర్వాహకులకు ధన్యవాదాలు తెలిపారు. ప్రత్యేకించి తనను రిసీవ్ చేసుకున్న విధానం మరింత సంతోషం కలిగించిందని చెప్పారు నటి సంయుక్త మీనన్.