కీల‌క మార్పులు చేసిన ప్రభుత్వం
న్యూఢిల్లీ : కేంద్ర స‌ర్కార్ సంచ‌ల‌న నిర్ణ‌యం తీసుకుంది. ప్ర‌తి నిత్యం వినియోగించే ఆయిల్ కు సంబంధించి కీల‌క ప్ర‌క‌ట‌న చేసింది. వినియోగదారులకు స్పష్టత ఇచ్చేందు కోసం వంట నూనెల ప్యాక్ పరిమాణాలను ప్రామాణీక రించడానికి కేంద్ర ప్రభుత్వం చర్యలు చేపట్టింది వినియోగదారులకు మరింత పారదర్శకత, స్థిరత్వాన్ని తీసుకు రావాలనే లక్ష్యంతో, కేంద్ర ప్రభుత్వం వంట నూనెల కోసం ప్రామాణీకరించిన ప్యాక్ పరిమాణాలను ప్రవేశ పెట్టడానికి సిద్ధమవుతోంది.
ఇదిలా ఉండ‌గా ప్రతిపాదిత నిబంధనల ప్రకారం, 650గ్రా, 810గ్రా, 870గ్రా వంటి క్రమరహిత పరిమాణాలను దశలవారీగా తొలగించే అవకాశం ఉంది. దీనికి బదులుగా తయారీదారులు వంట నూనెలను 200 మిల్లీ లీటర్లు, 500 మిల్లీలీటర్లు, 1 లీటరు, 5 లీటర్లు, 15 లీటర్లు, 20 లీటర్లు లేదా కిలోగ్రాముల వంటి నిర్దిష్ట ప్యాక్ పరిమాణాలలో మాత్రమే విక్రయించడానికి అనుమతించ బడతారు. దీనివల్ల కొనుగోలుదారులకు ధరల నిర్ధారణ, పోలిక సులభతరం అవుతుందని స్ప‌ష్టం చేసింది కేంద్రం.
