VijayaBhaskar
చెన్నై : తమిళనాడు సీఎం జోసెఫ్ విజయ్ చంద్రశేఖర్ మరోసారి దేశ వ్యాప్తంగా సంచలనంగా మారారు.
తమిళనాడులోని సేలం జిల్లాకు చెందిన వృద్ధురాలు చెల్లమ్కు ఇవాళ కూడా సాధారణ కష్టమైన పని దినంలాగే మొదలైంది. కానీ మధ్యాహ్న సమయానికి తమిళనాడు ముఖ్యమంత్రి సి. జోసెఫ్ విజయ్తో జరిగిన ఒక చిన్నపాటి కలయిక ఆ సాధారణ పని దినాన్ని ఆమె జీవితాంతం గుర్తుండి పోయే అపురూప జ్ఞాపకంగా మార్చేసింది . దీనిని ఆమె “కోటి రూపాయలు గెలుచు కోవడంతో” సమానమని అభివర్ణించారు. మెట్టూర్ జలవిద్యుత్ కేంద్రంలో అధికారిక తనిఖీ, వ్యవసాయ అవసరాల కోసం స్టాన్లీ రిజర్వాయర్ స్లూయిస్ గేట్ల ప్రారంభోత్సవం తర్వాత, విజయ్ మార్గమధ్యలో ఒక పొలం వద్ద ఉన్న ఇంటి దగ్గర అనుకోకుండా ఆగారు.
సేలం విమానాశ్రయానికి వెళ్తుండగా సమీపంలోని పొలాల్లో వృద్ధ మహిళల బృందం పని చేయడం చూసిన ముఖ్యమంత్రి వారిని నేరుగా పలకరించడానికి తన వాహనం దిగి బయటకు వచ్చారు ముఖ్యమంత్రి కాన్వాయ్ అక్కడ ఆగగానే జనం గుమి గూడటం మొదలైంది; ఆ సందడి ఏమిటో తెలుసు కోవడానికి చెల్లమ్ అక్కడికి వెళ్లారు. ముఖ్యమంత్రిని చూడగానే ఆమె ఏమాత్రం సంకోచించకుండా ముందుకు వచ్చి ఆయన చేతిని పట్టుకున్నారు. “నేను భోజనం చేశానా అని ఆయన అడిగారు,” అని చెల్లమ్ ఆనందంతో చెప్పారు. “నేను ఇంకా తినలేదని, ఎందుకంటే ముందుగా ఆయన్ని చూడాలని వేచి ఉన్నానని చెప్పాను,” అని ఆమె తెలిపారు.
ఆమె చేతిని పట్టుకుని తోట ప్రాంతంలో నడుస్తూ, ముఖ్యమంత్రి ఆమె పేరు అడిగి తెలుసు కోవడంతో పాటు ఆమె యోగక్షేమాలను అడిగి తెలుసుకున్నారు. స్థానిక రైతు పళనిసామికి చెందిన ఇల్లు , పశువుల కొట్టాన్ని పరిశీలించడానికి వెళ్లే ముందు, విజయ్ తన వద్ద ఉన్న సన్గ్లాసెస్ను తీశారు. చెల్లమ్ కు వాటిని బహుమానంగా ఇచ్చారు.
