VijayaBhaskar
చేప‌ట్టాల‌న్న కేంద్ర మంత్రి కిష‌న్ రెడ్డి
వరంగల్ జిల్లా : వరంగల్ జిల్లాలో విస్తృతంగా ప‌ర్య‌టించారు కేంద్ర పర్యాటక శాఖ మంత్రి జి. కిష‌న్ రెడ్డి. ఈ సంద‌ర్బంగా వెయ్యి స్తంభాల ఆలయాన్ని సుందరీకరించాలని సంబంధిత జిల్లా క‌లెక్టర్, ఉన్న‌తాధికారుల‌ను ఆదేశించారు. హరిత ప్లాజాలో ఆర్కియాలజికల్ సర్వే ఆఫ్ ఇండియా (ASI), గ్రేటర్ వరంగల్ మున్సిపల్ కార్పొరేషన్ (GWMC), జౌళి మంత్రిత్వ శాఖ అధికారులతో సంభాషించారు. వరంగల్‌లోని కాజీపేటలోని రైల్వే తయారీ యూనిట్‌ను సందర్శించారు.
భద్రకాళి ఆలయం చుట్టూ పర్యాటక అభివృద్ధి, మామ్నూర్ విమానాశ్రయం, కాకతీయ మెగా టెక్స్‌టైల్ పార్క్, రైల్వే తయారీ యూనిట్ (RMU) కోసం భూసేకరణతో సహా కీలకమైన కేంద్ర ప్రభుత్వ అభివృద్ధి పనుల పురోగతిని సమీక్షించారు. కొనసాగుతున్న అన్ని ప్రాజెక్టులను త్వరగా పూర్తి చేయాల‌ని స్ప‌ష్టం చేశారు. సాంస్కృతిక వార‌స‌త్వానికి ప్ర‌తీక‌గా ఉన్న ఓరుగ‌ల్లు లోని వేయి స్తంభాల ఆల‌య సుందరీకరణ ప‌నులు చేప‌ట్టాల‌ని ఆదేశించారు కేంద్ర మంత్రి గంగాపురం కిష‌న్ రెడ్డి.
