VijayaBhaskar
సోషల్ మీడియాలో దుష్ప్రచారం చేస్తే చర్యలు
అమరావతి : ఏపీ సీఎం నారా చంద్రబాబు నాయుడు సంచలన వ్యాఖ్యలు చేశారు. శాంతి భద్రతలు, మహిళా నేరాలు, సోషల్ మీడియా అనే అంశంపై చర్చ జరిగింది. ఈ సందర్భంగా సీఎం మాట్లాడారు. గత సర్కార్ హాయాంలో శాంతి భద్రతలు అదుపు తప్పాయన్నారు. కానీ తాము వచ్చాక వాటిని కంట్రోల్ చేశామన్నారు. రాయలసీమ ప్రాంతంలో ఫ్యాక్షన్ రాజకీయాలను నిర్మూలించడంలో తన పాత్రను నాయుడు హైలైట్ చేశారు. జగన్ నేతృత్వంలోని ప్రభుత్వంపై కొంతమంది నాయకుల కోపం సమర్థనీయమేనని అంగీకరిస్తూనే, వారు కూడా అదే విధంగా వ్యవహరించవద్దని ఆయన కోరారు. ఆ రోజుల్లో తెలుగుదేశం కార్యాలయాలపై దాడులు జరిగాయి. అలాంటి రాజకీయాల నేర స్వభావాన్ని ప్రజలు త్వరలోనే అర్థం చేసుకుంటారని చెప్పారు.
అంతే కాకుండా సోషల్ మీడియాలో నకిలీ ప్రచారాలపై ఆందోళన వ్యక్తం చేశారు నారా చంద్రబాబు నాయుడు. అభ్యంతరకరమైన కంటెంట్ను పోస్ట్ చేసే వారిపై, ముఖ్యంగా మహిళలను లక్ష్యంగా చేసుకుని ప్రచారం చేస్తే కఠిన చర్యలు తీసుకుంటామని ముఖ్యమంత్రి హెచ్చరించారు. తప్పుడు సమాచారాన్ని వ్యాప్తి చేయడం ద్వారా కొన్ని చెల్లింపు సంఘాలు వ్యక్తిత్వ విధ్వంసానికి పాల్పడుతున్నాయని ఆయన ఆరోపించారు. గత ఏడాది మహిళలపై నేరాలు 4.84 శాతం తగ్గగా, వరకట్న మరణాలు 43 శాతంకు పడి పోయినటట్లు తెలిపారు. హత్యలు 15 శాతం తగ్గాయి, మహిళల ఆత్మహత్యలు 59 శాతం తగ్గాయి . అదనంగా మహిళలపై సైబర్ బెదిరింపులు 17 శాతం తగ్గాయి, మహిళలపై నేరాలకు పాల్పడిన 343 మంది వ్యక్తులకు జైలు శిక్ష విధించడం జరిగిందన్నారు సీఎం.
