మాథ్యూ హేడెన్ షాకింగ్ కామెంట్స్
ఆస్ట్రేలియా : ఆసిస్ మాజీ క్రికెటర్, ప్రముఖ కామెంటేటర్ మాథ్యూ హేడన్ సంచలన వ్యాఖ్యలు చేశాడు. తాజాగా ఇండియాలో జరిగిన ఐసీసీ టి20 వరల్డ్ కప్ లో దుమ్ము రేపిన కేరళ స్టార్ క్రికెటర్ సంజు శాంసన్ గురించి ప్రస్తావించాడు. తన ఆటతీరు అద్భుతంగా ఉందన్నాడు. తనను గత 10 సంవత్సరాల నుంచి తాను ఐపీఎల్ లో ఆడటం చూస్తూ వచ్చానని చెప్పాడు. తను ఓపెనర్గా గానీ, మూడవ స్థానంలో గానీ నిలకడ లోపించిందని అనిపించిందని తెలిపాడు. అయితే IPLలో అతను వివిధ స్థానాల్లో బ్యాటింగ్ చేసినప్పటికీ, తాజాగా ఫైనల్ మ్యాచ్ లో ఈడెన్ గార్డెన్స్లో జరిగిన ఒక అద్భుతమైన మ్యాచ్లో అతను తన లయను (rhythm) కనుగొన్నాడని పేర్కొన్నాడు మాథ్యూ హేడెన్.
సంజు శాంసన్ ఆడిన విధానం గురించి ఎంత చెప్పినా తక్కువేనని పేర్కొన్నాడు. ఎవరూ ఊహించని రీతిలో అత్యంత కళాత్మకమైన, కళ్లు చెదిరే షాట్స్ తో అలరించాడని ప్రశంసించాడు. అతను బ్యాటింగ్ చేసిన ఆ అప్రయత్న శైలి నాకు ‘గిల్లీ’ (గిల్క్రిస్ట్)ని గుర్తు చేసిందని అన్నాడు హేడెన్. గిల్లీ వాస్తవానికి వెస్టిండీస్లో జరిగిన ప్రపంచ కప్లో (2007) అంతగా ఆడలేదు. కానీ శ్రీలంకతో జరిగిన ఫైనల్ మ్యాచ్లో అకస్మాత్తుగా బరిలోకి దిగి ఒక భారీ శతకం సాధించాడని గుర్తు చేశాడు. సంజు శాంసన్ కూడా అంతటి ప్రమాదకరమైన ఆటగాడని పేర్కొన్నాడు. సంజు తన అత్యుత్తమ ఫామ్లో ఉన్నప్పుడు, విజయం అతని చేతిలో ఉన్నట్టేనని పేర్కొన్నాడు.
