VijayaBhaskar
హైదరాబాద్: క్రైమ్, యాక్షన్, థ్రిల్తో కూడిన విభిన్న కథలను తెరపై ఆవిష్కరించడంలో తనదైన ముద్ర వేసుకున్న క్రియేటివ్ డైరెక్టర్ సంజీవ్ మేగోటి మరో ఆసక్తికరమైన ప్రాజెక్ట్తో ప్రేక్షకుల ముందుకు వచ్చేందుకు సిద్ధమవుతున్నారు. తెలుగులో వరలక్ష్మి శరత్కుమార్, నవీన్ చంద్ర ప్రధాన పాత్రల్లో తెరకెక్కించిన ‘పోలీస్ కంప్లైంట్’ మూవీతో హిట్ కొట్టిన ఆయన.. ఇప్పుడు కన్నడలో తన అప్కమింగ్ మూవీ రూపొందించ బోతున్నారు. ‘ఆన్ డ్యూటీ’ టైటిల్తో తెరకెక్కనున్న ఈ మూవీ కన్నడ కంఠీరవ డాక్టర్ రాజ్కుమార్ కుటుంబానికి చెందిన ప్రముఖ హీరో విజయ్ రాఘవేంద్ర కథానాయకుడిగా నటించనున్నాడు.
ఇప్పటికే క్రైమ్, సస్పెన్స్, యాక్షన్ జానర్లో పలు విభిన్న చిత్రాల్లో నటించిన విజయ్ రాఘవేంద్ర.. సంజీవ్ మేగోటి చెప్పిన ఈ సరికొత్త కథకు ఓకే చెప్పడం సినిమాపై ఆసక్తిని మరింత పెంచుతోంది. విజయ్ రాఘవేంద్ర ఫిల్మోగ్రఫీలో కూడా క్రైమ్, థ్రిల్లర్, యాక్షన్ కథలు కనిపిస్తాయి. విజయ్ రాఘవేంద్ర ఇటీవల నటించిన సెకండ్ కేస్ ఆఫ్ సీతారాం మూవీ ప్రముఖ ఓటీటీ వేదిక అమెజాన్ ప్రైమ్లో స్ట్రీమింగ్ అవుతూ సూపర్ హిట్ టాక్ తెచ్చుకుంది. ఈ నేపథ్యంలో ఇటీవల తమతమ సినిమాలతో సూపర్ హిట్ కొట్టిన హీరో విజయ్ రాఘవేంద్ర, డైరెక్టర్ సంజీవ్ మేగోటి కలిసి రూపొందించబోయే ప్రాజెక్టు ఇప్పుడు ఇండస్ట్రీ వర్గాల్లో హాట్ టాపిక్గా మారింది. ఈ హిట్ కాంబినేషన్పై అప్పుడే భారీ అంచనాలు నెలకొన్నాయి.
