VijayaBhaskar
చెన్నై : తమిళనాడు రాష్ట్ర ముఖ్యమంత్రి జోసెఫ్ విజయ్ చంద్రశేఖర్ ను సోమవారం మర్యాద పూర్వకంగా కలిశారు రాష్ట్ర దేవాదాయ, ధర్మాదాయ శాఖ మంత్రి టీవీకే రమేష్. ఈ సందర్బంగా ప్రముఖ ఆలయమైన మీనాక్షి సుందరేశ్వరర్ ఆలయ ప్రసాదాన్ని సీఎంకు స్వయంగా అందజేశారు. మధురైలోని ప్రపంచ ప్రఖ్యాత అరుల్మిగు మీనాక్షి సుందరేశ్వరర్ ఆలయ కుంభాభిషేకం 17 ఏళ్ల విరామం తర్వాత, ఈ నెల 17న అత్యంత వైభవంగా , ఘనంగా నిర్వహించారు. ఇది అన్ని వర్గాల నుండి విస్తృత ప్రశంసలను అందుకుంది. ఈ నేపథ్యంలో మధురై మీనాక్షి సుందరేశ్వరర్ ఆలయ కుంభాభిషేకానికి సంబంధించిన పవిత్ర ప్రసాదాన్ని తమిళనాడు ముఖ్యమంత్రి తిరు సి. జోసెఫ్ విజయ్కు ఈ రోజు స్వయంగా అందజేశారు.
ఈ సందర్భంగా కుంభాభిషేకం విజయవంతంగా మరియు ఘనంగా నిర్వహించ బడినందుకు ముఖ్యమంత్రి తన శుభాకాంక్షలను , ప్రశంసలను తెలిపారు. ఆయన ప్రత్యేకంగా మంత్రి టీవీకే రమేష్ ను అభినందించారు. ఇదిలా ఉండగా రాష్ట్రంలో టీవీకే సర్కార్ కొలువు తీరాక రాష్ట్రంలో గతంలో ప్రభుత్వం తీసుకున్న నిర్ణయాన్ని తిరస్కరించారు. ఒకే ఒక్క సంతకంతో ఆలయాలకు వచ్చే ఆదాయం, నిధులన్నీ ఆలయాల అభివృద్దికే కేటాయించాలని ఆదేశించారు. వీవీఐపీలు, వీఐపీల పేరుతో సామాన్య భక్తులను ఇబ్బంది పెడితే కఠిన చర్యలు తీసుకుంటామని హెచ్చరించారు. అంతే కాకుండా భారీ ఎత్తున నిధులు కేటాయించారు సీఎం జోసెఫ్ విజయ్ చంద్రశేఖర్.
