ఉద్యోగుల‌కు డీఏ పెంచుతూ స‌ర్కార్ ఉత్త‌ర్వులు

హైద‌రాబాద్ : ఉద్యోగుల‌కు ద‌స‌రా పండుగ వేళ ఖుష్ క‌బ‌ర్ చెప్పింది తెలంగాణ స‌ర్కార్. ఈ మేర‌కు బుధ‌వారం అధికారికంగా కీల‌క ప్ర‌క‌ట‌న చేసింది. కరువు భత్యం (DA) పెంపుపై ఉత్తర్వులు జారీ చేసింది. వివిధ వేతన శ్రేణులలోని రాష్ట్ర ప్రభుత్వ ఉద్యోగులకు కరువు భత్యం పెంపును ప్రభుత్వం ప్రకటించింది. సవరించిన DA నవంబర్ 1, 2026 నుండి చెల్లించ బడుతుంది . దీనికి సంబంధించిన బకాయిలు ఉద్యోగుల GPF ఖాతాల్లో విడతల వారీగా జమ చేయబడతాయి. జనవరి , జూలై 2024 నుండి వర్తించేలా ఉద్యోగులకు చెల్లించాల్సిన DA పెంపుపై ప్రభుత్వం ఉత్తర్వులు జారీ చేసింది. 2020 వేతన శ్రేణి విషయంలో, DA జనవరి 2024 నుండి 33.67% నుండి 37.31%కి, ఆపై జూలై 2024 నుండి 40.04%కి పెంచబడింది.

2015 వేతన శ్రేణి విషయంలో, DA 73.344% నుండి 78.06%కి, ఆ తర్వాత జూలై 2024 నుండి 81.728%కి పెంచబడింది. UGC/AICTE వేతన శ్రేణి ఉద్యోగులకు కూడా DA సవరించారు. 2016 వేతన శ్రేణి ఉద్యోగులకు DA 46% నుండి 50%కి, ఆపై జూలై 2024 నుండి 53%కి పెరుగుతుంది. 2006 వేతన శ్రేణికి సంబంధించి, DA 230% నుండి 239%కి, ఆపై జూలై 2024 నుండి 246%కి పెంచబడింది. సవరించిన DA అక్టోబర్ 2026 జీతంతో పాటు నవంబర్ 1న చెల్లించ బడుతుంది. జనవరి 2024 నుండి సెప్టెంబర్ 2026 వరకు ఉన్న DA బకాయిలు 33 విడతలుగానూ, జూలై 2024 నుండి సెప్టెంబర్ 2026 వరకు ఉన్న DA బకాయిలు 27 విడతలుగానూ చెల్లించ బడతాయి. బకాయిలను ఉద్యోగుల జనరల్ ప్రావిడెంట్ ఫండ్ (GPF) ఖాతాల్లో జమ చేస్తారు.