హైద‌రాబాద్ : బీఆర్ఎస్ వ‌ర్కింగ్ ప్రెసిడెంట్ కేటీఆర్ సంచ‌ల‌న ఆరోప‌ణ‌లు చేశారు. ఆయన కాంగ్రెస్, బీజేపీ నేత‌ల‌ను ల‌క్ష్యంగా చేసుకున్నారు. జాతీయ నాయకుల పర్యటనల సమయంలో తెలంగాణకు చెందిన ఆయా పార్టీల‌కు చెందిన నేత‌లు తమ స్తాయి, హోదాల‌ను మ‌రిచి పోయి చిల్ల‌ర‌గా వ్యవహరించారని ఆరోపించారు. వీరి ప్ర‌వ‌ర్త‌న సిగ్గుచేటు అని పేర్కొన్నారు. తెలంగాణ ఆత్మ గౌర‌వాన్ని జాతీయ నేత‌ల వ‌ద్ద తాక‌ట్టు పెట్టారంటూ ద్వ‌జ‌మెత్తారు కేటీఆర్. ఆదివారం ఆయన మీడియాతో మాట్లాడారు. రాహుల్ గాంధీ, అమిత్ షా పర్యటనల సందర్భంగా తెలంగాణలోని కాంగ్రెస్, బీజేపీ నాయకుల ప్రవర్తనపై తీవ్ర ఆగ్ర‌మం వ్య‌క్తం చేశారు. వారిలో హుందాతనం కొరవడిందని ఆరోపించారు.
రాష్ట్రం ఆత్మగౌరవం అనే సూత్రంపై స్థాపించబడిందని ఆయన అన్నారు పర్యటనల సమయంలో తెలంగాణ కాంగ్రెస్, బీజేపీ నాయకుల ప్రవర్తనపై కేటీఆర్ తీవ్ర విమ‌ర్శ‌లు చేయ‌డం క‌ల‌క‌లం రేపింది.
తమ జాతీయ నాయకుల సమక్షంలో హుందాతనం, ఆత్మగౌరవం లోపించడం ప‌ట్ల ఆవేద‌న వ్య‌క్తం చేశారు. తెలంగాణ కాంగ్రెస్, బీజేపీ నాయకులలో పదవి గౌరవం అనేది ఒక అరుదైన లక్షణంగా కనిపిస్తోంది అని పేర్కొన్నారు. కాంగ్రెస్ లోక్‌సభ నాయకుడు రాహుల్ గాంధీ పర్యటన సందర్భంగా కాంగ్రెస్ నాయకుల ప్రవర్తనను ప్రస్తావించారు. ముఖ్యమంత్రి గాంధీకి అంగరక్షకుడిలా వ్యవహరించారని, పీసీసీ అధ్యక్షుడు, మంత్రి పనివాళ్లలా రాహుల్ గాంధీ బైక్ వెనుక పరుగులు పెట్టారని రామారావు అన్నారు. కేంద్ర మంత్రి, బీజేపీ రాష్ట్ర అధ్యక్షుడు అమిత్ షా కాళ్లకు నమస్కరించి, ఆయన చెప్పులు మోశారని కూడా ఆయన ఎత్తి చూపారు.
