ముంబై : బాలీవుడ్ మిస్టర్ ఇండియా అనిల్ కపూర్ పారిస్లో ఫ్రాన్స్ అధ్యక్షుడు ఇమ్మాన్యుయేల్ మాక్రాన్ను కలిశారు. ఈ సందర్బంగా సినిమా, ఏఐ, సంస్కృతిపై చర్చించారు. పారిస్ సాంస్కృతిక మార్పిడి సందర్భంగా ఆతిథ్యానికి మాక్రాన్కు అనిల్ కపూర్ ధన్యవాదాలు తెలిపారు. ఈ ఇద్దరి మధ్య జరిగిన ఈ సమావేశం చరిత్ర నుండి యువ తరాల భవిష్యత్తు వరకు వివిధ అంశాల గురించి చర్చించారు. ఒక ఆత్మీయ, విజ్ఞానదాయకమైన మార్పిడి అనిల్ కపూర్ వర్ణించారు. ‘మిస్టర్ ఇండియా’ స్టార్ ఈ భేటీకి సంబంధించిన సంగ్రహాలను ఇన్స్టాగ్రామ్లో పంచుకున్నారు. ఇది ఒక ఆత్మీయమైన , విజ్ఞానదాయకమైన సంభాషణ అని వర్ణించారు.
తాను భారతదేశంలో మాక్రాన్ను మొదటిసారి కలిసినప్పుడు తామిద్దరం ఎన్నో ఏళ్లుగా ఒకరికొకరు తెలిసినట్లుగా సంభాషణ చాలా సహజంగా సాగిందని కపూర్ గుర్తు చేసుకున్నారు. ఇదిలా ఉండగా పారిస్లో ఫ్రాన్స్ అధ్యక్షుడిని మళ్లీ కలవడం అదే ఆత్మీయతను తిరిగి తీసుకు వచ్చిందని నటుడు అన్నారు. కళ, సంస్కృతి, సినిమా, ఏఐ, ఇంధనం , వాస్తు శిల్పం గురించి మాట్లాడాము. ఆయన కార్యాలయంలో నెపోలియన్ కాలం నాటి అందమైన వస్తువులను కూడా చూశామని పేర్కొన్నారు అనిల్ కపూర్. చర్చ చరిత్ర పాఠాల నుండి, రాబోయే తరాలు వారసత్వంగా పొందబోయే భవిష్యత్తు వైపు మళ్లిందని ఆయన తెలిపారు . పారిస్లో మాక్రాన్ తనను, తన మేనల్లుడిని సొంత ఇంట్లో ఉన్నట్లుగా భావించేలా చేశారని ఆయన అన్నారు.తమ మధ్య ఉన్న సంబంధాన్ని ఆయన ఆత్మీయంగా వర్ణించారు. ఫ్రాన్స్ నాయకుడికి తిరిగి భారతదేశానికి స్వాగతం పలకడానికి ఎదురు చూస్తున్నానని చెప్పారు.




